DUYURU!

Değerli gırèmira.com okuyucuları yakın bir zamanda bizde teknolojinin gelisiminden yararlanarak www.giremira.com sitesini siz okuyucularimiza daha iyi bir hizmet icin ve dahada guzellestirmek ve beldemizin hizmetine sunmak icin sitemizin butun formatini degistirecegiz, onun icin önumuzdeki bir kac hafta icinde eger bazi hatalarimiz olursa simdiden sizden af diliyoriz. Giremire yönetimi

GİRMELİ BELDESİNDE DTP’E HİZMETE BAŞLADI Bugün girmeli beldesi sağlık ocağı yıkıldı.Fare ve sıçanların bastığı ve  lağam kokusuna daha fazla dayanamayan sağlık personeli bir yıldır beldeden göç eden belde halkının boş evlerinde kalmak zorunda kaldı.Hiç bir muayene aletinin olmadığı ve çok sağlıksız koşularda hizmet veren sağlık ocağı yerine yenisi yapılmak üzere yıkıldı.hem Girmeli beldesine hemde civar köylere daha iyi bir hizmet verecek bir sağlık ocağı inşa edilecek.bütün muayene aletleri bulunacak ve ayrıca bir tanede ambulans getirelecek. Sağlık ocağı lojmanlarla birlikte dört ay içinde bitirilip hizmete sunulması bekleniyor. Fotograflari görmek icin tiklayin

AZÎZ OGUR Girêmîra Encam û bandorên hilbijartinên 29’ê Adarê hê jî têne guftûgokirin. Tevî hemû dek û dolab û planên xêrnexwazan jî serkeftina gelê kurd a bi îrade di dîrokê de cihê xwe bi tîpên zêrîn girtiye. Car caran hewldanên bidestxistina şaredariya bajarokekê dibe qada têkoşîna hêzên sereke yên welêt.   Mînakeke berbiçav a vê rewşê betalkirin û jinûve pêkanîna hilbijartina şaredariya bajaroka Girêmîra ya bi ser Nisêbîn a Mêrdînê ve bû. Mirov dikare bi rehetî bêje hilbijartina 7’ê hezîranê ya li Girêmîra pêk hat mînyaturekî hilbijartina 29’ê Adarê ya bûbû qada tekoşîna kurdê bi îrade ya li dijî dewleta tirk û kurdên kevneperest ên girêdayî dewletê û AKP’ê.   Namzetê AKP’ê Yusuf Turgay ku tevî hemû lîstik, dek û dolaban jî hilbijartin li dijî girmîriyê xwedî îrade winda kir vê carê bi şertê pêşxistina cerdevanî û bêhtir xizmetkirina siyaseta înkara kurdan a dewleta tirk û AKP’ê kete nava tevgerê. Ji herêmê heta bi navenda siyaseta dewleta tirk Enqereyê hemû rayedar û hêz xistin tevgerê û hilbijartina ku DTP’ê bi 37 dengan bidest xistibû da betalkirin.   Eşîr û hêzên girêdayî dewletê û AKP’ê jî 7’ê hezîranê û Girêmîra mîna rowanşa 29’ê Adarê girtin dest. Bi gotineke din di 7’ê hezîranê de li Girêmîra ne hilbijartineke hatibû betalkirin, hilbijartineke ku dewlet û hemû hevkarên xwe yên li herêma Mêrdînê mîna hilbijartina serkeftin an têkçûna xwe didîtin pêk hat. Ji leşkeriyê heta bi walîtiyê, ji serokeşîr, sercerdevanan heta bi oldarên takiyevan tevan xwestin bi bidestxistina Girêmîra rewşeke emsal derxin û ji bo di demên pêş de jî heman rewşan biafirînin deriyekî vekin.   Di vir de helwesta bi rûmet aligirên DTP’ê yên li Girêmîra û desteka gund, bajarok û navçeyên derdorê ya ji bo aşkerabûna îradeya azad a li beldeyê were silavkirin. Li hemberî hewldan û tevgera dewlet, hikûmet û hêzên li herêmê bûne dûvikê wan algirên DTP’ê li Girêmîra berxwedanake bêhempa nîşan dan. Gelê Nisêbîn û gundên derdorê jî ev hilbijartin mîna pêvajoya diyarkirina îradeya tevahiya gelê kurd girtin dest û dilê wan ji bo serkeftina DTP’ê lêxist û wisa jî ketin tevgerê.   Tevî komkirina hemû hêz û derfetên dewlet, hikûmet, eşîr û cerdevanan a li Girêmîra jî di hilbijartina 7’ê hezîranê de DTP’ê 581 deng, AKP’ê 458 deng bidest xistin. Ferqa navbera DTP’ê û AKP’ê ji ferqa hilbijartinên 29’ê Adarê 4 qatan zêdetir bû û 37 a lê îtîraz hate kirin û bû hinceta betalkirina hilbijartinê di 7’ê hezîranê de derket 123’ê dengan.   Di vir de çend rastiyên berbiçav derketine holê ku pêwîst e mirov destnîşan bike.   - Êdî her diçe eşîrtî, cerdevanî, hevkariya dewletê hikmê xwe li Kurdistanê winda dike. Mirov dikare bêje heta hilbijartineke din hin herêmên ev derdor bi zorê di destê xwe de digirin jî wê bikevin destê xwediyê xwe yê rastî û desthilatdariya gel were avakirin.  - Li cihê ku îradeya gel derketibe pêş hêza dewletê, zext, lîstik, gef nikarin gavê bi gel bipaş de bidin avêtin.  - Di demeke kurt de bê jî têgihiştina DTP’ê ya rêveberiyên herêmî û şaredariya azad bandora xwe li ser gel û herêmê nîşan dide.   - Li hember hewldanên betalkirina hilbijartinan, afirandina provokasyonan, anîna dijberî hev a gel, pêşxistina cerdevanî û ketina bin xizmeta dewlet/hikûmeta AKP’ê kesên ku di hilbijartina borî de bi xwe destek dabûn namzetên AKP’î jî bêzar kirin. Zêdebûna ferqa dengan a di vê astê de jî ji ber vê yekê bû.   - Êdî tu hilbijartin mahalî/herêmî nîne û navçeyek, bajarokek, heta gundek tevahiya herêmê eleqedar dike. Li Nisêbîn û hemû gundên wê heta tevahiya Kurdistanê pîrozkirina serkeftina DTP’ê ya li Girêmîra tê wateya hevgirtin û yekbûna hestên gelê kurd.   Girêmîra ku bajarokek biçûk e şahidî ji têkoşîneke bêhempa ya îradeya azad a kurdên nûjen û kurdên kevneperest re kir. Di heman rojê de li Gimgima Mûşê jî hilbijartin a Meclîsa Şaredariyê hebûn. Di vê hilbijartinê de jî DTP’ê bi serkeftineke ji sedî sed tevahiya endamên meclîsê bi dest xist.   Li Girêmîra û Gimgimê îradeya kurd bi ser ket û careke din hate piştrastkirin ku tu hêz û hevkarî nikare xwe li ber îradeya mirovên azad bigire. Hemû kesên di vê serkeftinê de xwedî par ji dil û can pîroz dikim.

DIXWAZE DI NAVBERA ÇANDA GELAN Û SIYASETÊ DE BIBE PIR HAYDAR DILJEN – ÇETÎN ALTUN Siyasetmdera kurd a ciwan Evîn Çetîn li Swêdê di hilbijartinên parlemantoya Yekîtiya Ewropa de bi girtina 22 hezar dengên tercîhî ve bal kişand ser xwe. Di partiya xwe de di rêza 29’emîn de hat nîşandan lê bi dengên ku girt ve heta rêza 5’emîn hat. Ji niha ve derdorên siyasî yên Swêdê meraq dikin, gelo Evîn dê di hilbijartinên 2010’an de di rêza çendê de bê nîşandan. Evîn ji bo pêşerojê portereyeke siyasetmedarekê derdixe holê. Siyasetmedara ciwan di nav partiya xwe de ji bo çareseriya pirsgirêka kurd û asurî-suryanî û gelên din yên bindest, pirgirêka jinê, penaberan û pirsên şîrketên biçûk têdikoşe. Çetîn ji bo çareseriyê dixwaze peywira pireyê bike. Di xebat û kampanyayên xwe de bi taybet cih dide pirsgirêka kurd, jin û ciwanan. Çetîn siyaseta Yekîtiya Ewropayê ya li hemberî kurdan rexne kir û bilêv kir ku YE li hemberî kurdan durûtiyê dike û divê ji bo ku kurd pirsgirêkê bikin rojeva Ewropayê û cîhanê divê bi rêk û pêk xebatên lobiyê bimeşînin. Di ciwaniya xwe de bûyî namzetê Parlamentoya Ewropayê û û her çiqas nehatibî hilbijartin jî te gelek deng girtin. Te dikaribû wekî ciwan ji xwe re wekî pîşe tiştekî din hilbijarta, çima siyaset? Ez gelek caran dibêjim hatina min a dinyayê siyaset bû. Niha tu li tarîxa dê û bavê min dimêyzînî, însanekî mezopotamyayî li ser vê axê li gorî siyaset û tarîxê û baweriyan yeke xrîstiyan û yekî misliman bi hev re zû zû nazewicin. Lê dê û bavê min bi hev re zewicîne. Paşê malbata min ji ber sedemên siyasî çûn derveyî welat û li Swêdê bi cih bûn. Ez di nav malbateke weha de mezin bûm. Niheqîyên ku dihatin kirin bandoreke mezin li min dikir. Ez wek ciwanek gelek pê diêşiyam. Divê min tiştek bikira. Min fêm kir ku mirov bi tenê nikara di siyasetê de biser bikeve. Min di nav ciwanên Partiya Sosyaldemokrat de dest bi siyasetê kir. We di hilbijartinên Parlamentoya Ewropayê de nezî 22 hezar deng girtin. Dema mirov hejmara dengên namzetên kurd ên din hemûyan dide serhev nîvê dengên te nake. Gelo sedema evqas denggirtina te çî ye? Ez bawer dikim kî di hilbijartinan de çi xebatê bike dê li gorî wê encam bigire. Lê ez dikarim bibêjim di nav xebatên me de gelek însanan alîkarî dan me û cih girtin. Kurd, asurî-suryanî, misilman, filistînî, somalî di xebatan de piştgirî dan min. Me teknîk baş bi kar anî, di kampanyaya min de ciwan û jin gelek aktîf bûn. Me pirsên jin, ciwanan, hevkariya navneteweyê, pirsên şîrketên biçûk derdixistên pêş. Li ba hilbijêran ji bo namzetên ciwan û yên xwedî ûslûbeka nû ya siyasetê hezkirinek hebû. Gelek kesan digot em dixwazin siyasetmedarên nû derkevin. Me siyasetmedarên ku bikaribin siyaseta Yekîtiya Ewropa biguherin divê. Di hilbijartinê de ji min re digotin keça pîzacî. Çima? Ji ber ku di vê hilbijartinê de wezîrên berê, parlamenterên parlamentoya Swêd, siyasetmedarên navûdeng hebûn. Lê ez wekî keçekê di lîsteya partiya xwe de di rêza dawî de ketim hilbijartinê. Û me bi kampanyayeka bi rêk û pêk nîşan da ku mirov dikare wek keçeka pîzacîyekî ji rêza 29an were rêza 5ê. Ji ber vê yekê hem kampanyaya me hem jî encamên hilbijartinê gelek bala derdorên siyasî û çapemeniyê kişand ser xwe. Helbet ev ji bo demokrasiya Swêdê ya di nav partiyan de jî pêşketinek bû. We kampanyaya hilbijaritinê de kîjan pirs û mijarên civakê derixst pêş û dikarin hinekî behsa wan pirsan bikî? Pirsên ku min di kampanyayê de derxiste pêş, siyaseta Yekîtîya Ewropayê ya ji bo kurdan, suryaniyan, afrîkayiyan ji bo rojhilata navîn bû. Pirsgirêkê din jî ew bû ku, pirtir di warê aborîyê de, li Swêd û Ewropayê ferqa di navbera çînan de her ku diçe mezintir dibe. Penaberên ku tên Swêd û Ewropayê pirsgirêkan dijîn. Dibe ku çûbûn zanîngehan xwendibin jî lê dema ku tên vira civak bi çavekî din li wan dimêyzîne. Pergala ku heye li dijî wan e. ev pirsgirêk gelekî muhîm bû. Di vê pergalê de berjevendî li gorî karsazan tê meşandin û ew tên parastin. hin şîrket cih nadin biyaniyan ku di nav wan de bixebitin û ew jî ji bo kar mecbûr dimînin şîrketên xwe vekin. Min nakokiyên wê pergalê derxistin pêş. Dîsa min pirsgirêka jinê derxist pêş. Her tim tê gotin ku li Rojhilata navîn û di ola îslamî de cihê jinê nîne. Min jî digot ev pergala hin welatên ewropî paştetir e. Çima? Ji ber ku li Ewropayê li hin welatan jin wekî metaryalekî tê dîtin. Wekî feraqekî, cilekî. Min digot li hin welatên ewropî bedena jinê difroşin û xwe li ser vê didin jiyandin û dewlet jî bacê (vergî) ji van digire. Min ev rewş rexne dikir. Jineke kurd ku li vê axê çûye Ewropayê li wir ji aliyekî ve jinê diparêzê ji aliyekî ve penaberan diparêzê ji aliyê din vejî  ji bo îspata hebûna xwe têdikoşe. Hûn wê rewşê çawa şîrove dikin ? Ji bo însanên ku ji vê axê diçin Ewropayê gelek rê hene. Hinek hene ku li xweşiya xwe digerin; koka xwe, ji kû hatiye û nasnameya xwe ji bîr dikin. Hinekê din jî hene ku li koka xwe digere, li wê sîstema ku hatiye afirandin dimeyzinê û dilê wê ji bo guhertineke baş lê dixê. Ez bawer dikim di vir de ya herî girîng ew e ku ji alîyekî ve di nav siyaseta ku li dijî disekine de bimîne û ji aliyekî ve xebata hebûna xwe bimeşîne. Partî di diyarkirina rêza namzetan de neheqîyê dikin. Lê divê ez vê jî bibêjim, girtina min ya 22 hezar dengên tercîhî ji bo hemû partîyan sînyaleke baş e. Alîyekî din ê erênî yê vê yekê ew e ku swêdiyan jî dengên xwe dan yeka ku koka xwe ji derveyî Swêdê ye. Tu gelek caran tê Tirkiyeyê û diçî û gelek têkiliyên te bi DTP û şaredariyan re heye û niha jî tu bi heyeteka Swêdê re ji bo serdana DTP’iyan hatî Amedê. Sedemê evqas eleqenîşandayîn we ya ji bo vir çi ye? Li Ewropayê, li gorî min, problema herî mezin ew e ku pirsgirêka kurd ne li ser masa wan e. Li gorî min sedema wê tunebûna lobiyaka xurt ya me kurdan e. Di nav parlamentoyan de siyasetmedarên me nîn in. Sedemeke din jî haya ewropiyan ji tiştên ku li Tirkiyeyê diqewimin nîne. Bifikirin, di Newrozê de li Amedê mîlyonek însan tên cem hev lê me li Swêdê carekî nûçeya wê nedît. Mîlyonek însan ji bo ku daxwaziyên xwe bînin ziman kom dibin lê kesek dengê wan nabîze. Ez weke keçeke ciwan, ji bo ku ew vê rewşê bi çavên xwe bibînin delegasyonan tînim vir û ew bi çavên xwe tiştan dibînin. Dive em li li Ewropayê bi gelên din re têkiliyên xwe qut nekin. Em wekî delegasyona Partiya Sosyal Demokrat di hilbijartinên parlamentoyê û yên herêmî de hatin vira û partiya me astengî û problem bi çavên xwe dîtin. Partiyeke wekî DTP’ê ku evqas girîngiyê dide jinan heta ji bo jinan kotayê bi kar tîne û ev siyaseta DTP li Ewropayê ji siyaseta gelek partiyan pêştir e, lê çapemenî qe cih neda vê mijarê. Li gorî min di serî de hatina partiya min û yên Ewropayê têkilîdanîna bi DTP’ê re girîng e. Ev beriya her tiştî nêzîkahiya negatîf a ji bo DTP’ê ji holê radike. Tirkiye li Ewropayê gelekî dixebite, li her derê semîneran didin, lobîst û siyasetmedarên tirkan hene. Hebûn Feleknas Uca ji bo enformasyondayîna DTP’ê girîng bû. Mînak di Partiya Sosyaldemokrat de behsa hevdîtên bi DTP’ê re nedihat kirin lê niha bertek nîşanî girtiyên DTP’î dikin. Em mecbûr in lobî bikin. Bê lobî em nikarin vê meselê deynin ser masa wan û çareser bikin. Zimanê me hate qedexekirin, em wekî milet nedihatin qebulkirin, heta niha zilm û zorî li ser me tê meşandin lê em bi lobiyên xwe ve dikarin rihet van bînin ziman. Ya din jî ji ber tunebûna dewletê dîplomasiya me nîn e. Lê divê em ji bîr nekin ku dewletên rojhilata navîn kurd wekî kesên ku dijî demokrasiyê dane nasîn. Divê kurdên ku li Ewropa û cihên din dijîn têkevin nava siyasetê û lobiyan çêkin. Divê herî kêm di her parlamentoyeke dewletekî de 40-50 parlamenterên dostên me hebin. Dewletên Ewropayê li gorî berjewendiyên xwe siyasetê dikin û bejvendiyên xwe ji mafê gelên bindest girîngtir dibînin. Rewşa ciwanên kurd li Ewropayê çawan e û çawan dikarin di pirsa kurd de bandorê li ewropiyan bikin? Heta niha potansiyela me nebû. Lê em ji bîr nekin Zanîngehên Ewropa bi xwendevanên kurd ve dagirtî ne. Ciwanên kurd gelek pîşeyên girîng de perwerde dîtine û dibînin. Çanda ewropiya dizanin, siyaseta ewropiyan dizanin. Bingeha pirsgirêka kurd baş fêm kirine. Dizanin ku dewlet, Yekîtiya Ewropa û hetta Amerîka çawa vê pergalê dimeyzînin. Potansiyeleke gelek mezin heye. Ciwanên me ji bo çareseriya pirsgirêka kurd canê xwe didin, gelek malbat di vê rê de gelek fedakarî kirin û dikin. Dewerên ku vala ne ji bo me girîng in. Mînak parlamentoya Ewropayê vala ye divê kurd tije bikin. Ev gelek muhîm e. li Amerîkayê îro biryar tên stendin, ew der vala ye. Heger em van deran tije nekin ez bawer nakim em pirsgirêka kurd têxin rojevê. Eliasson ku kesekî girîng e di kampanyaya hilbijartina te de. Gelo ji bo çi piştgirî da te? Eliasson dema wezîr bû jî têkiliyên min bi wî re hebûn. Em di heman partiyên de bûn. Di civînekê de ez gelekî hişk çûm ser wî. Sedema wê jî me di çarçoveya projeya me de me pirtûkên swêdî wergerandibûn kurdî û ev pirtûk ji bo zarokên kurd şandin Tirkiyeyê. Gumrukê nehişt ev pirtûk têkevin welat. Me dê bişandana Batmanê. Nêzî salekî hatin sekinandin. Di sala 2006’an de. Min bi xwe jî di nav wê xebatê de cih digirt. Mi di civînê de got ger dewleteke mîna Swêde nikaribe van pirtûkan bigîhîne zarokên kurd û kesekî mîna te ku tu dibêjî ez mafê mirovan diparêzim jî wezîrê derve be, eger ew pirtûk negihêjin zarokên kurd ezê ji vê partiyê derkevim û li dijî vê partiyê bixebitim. Di navberê de 2 hefte derbas nebûn ev pirtûk gihiştin Batmanê.  Wî gotibû “cara yekem e ku ez ciwanekê dibînim ku pêşeroja xwe nafikire û li dijî wezîrekî derdikeve. Piştî wê rojê têkiliyên me xurt bûn. Dîsa xebateke me li ser Helepçeyê hebû wî piştgirî da me. Gelek caran ji min re digot “tu mîna keseka ku têkeve odeyekê hewa wir biguhere. Digot “ji bo parlamentoya Ewropayê kesên wiha lazim in.” Bîranîneke te herî xweş û ne xweş çi ne? Tiştê herî ne xweş, siyaseta kirêj ku li hemberî min dihat meşandin bû. Dihat gotin ku Evûn dê çawa hem mafê kurdan û hem jî mafê asurî-suryaniyan bi hev re bimeşîne. Vê yekê ez gelekî êşandim. Miletên ku ji ber zilm û zoriyê bazdane, çawan dikaribûn xwdiyê fikrên weha nasyonalîst bin. Hîn kesên weha di nav suryaniyan de bûn û hin jî di nav kurdan de bûn û li dijî min propaganda dikirin. Ji kurdan re digotin Evîn suryanî ye çima kurd dengên xwe bidin û suryaniyan re jî digotin Evîn kurd e çima suryanî dengên xwe bidin. Bi her du aliyan ve jî êrîşî min dikirin. Lê ew serneketin hem suryaniyan û hem jî kurdên ku bi biratiya gelan re bûn deng dan min. Min siyaseta xwe li ser biratî û parastina mafê her du gelan dimeşand. Tiştê herî xweş keçikeke genç digot ger îmkanên min hebin ez jî dixwazim wekî te siyasetê bikim. Bavê min digot, min gotiye keçeke kurd çawa wiha serkeve. Vêya bala gelek keç û dayikan kişand. Vê yekê hêz dida min. Di civîneke ku ji 16 welatên cûda xwendekar beşdarbûn de te axaftinek kir û te bi axaftina xwe gelek bandor li wan kir. Wan piştî civînê hewl dan ku mamosteyên xwe îkna bikin ku deng bidin te. Te çawa heman bandor li ser evqas ciwanên welatên cûr bi cûr kir? Ev pirseke zor bû. Ez vêya bibêjim însanekî ku siyasetê bike, tiştên ku diparêze bi dil û can neparêze nikare tesîrekê li ser însanên din dayne. Di vê hilbijartinê de min ev siyaset meşand. Min bi dilekî paqij siyaset kir. Belkî jî gelek kesan, pirtir ciwanan, li min dimêyzandin xwe didîtin. Ez nizanim. Bavê min pîzacî ye belkî jî ez nêzî xwe dîditin. Tu pêşeroja Yekîtiya Ewropayê ya ketina Tirkiyeyê çawa dibînî? Di hemû raporên ku ji bo Tirkiyeyê tên amadekirin de tê gotin ku dewleta tirk gavên pêş navêje, pêşketin nîne. Lê mixabin di vir de dûrûtiya Yekîtiya Ewropa jî heye, gelek dewlet dibêjin ji ber ku dewleta tirk ji ber ku misliman e em naxwaz in, lê ez bawer im Tirkiye dê têkeve nav Yekîtiya Ewropa. Şertên krîterên Kopanhagê tenê li ser masê ne. Ji ber ku ger rast bixwazin heqê kurdan yên bidin wan, ev neheqiya ku li dijî siyasetmedarên kurd tê meşandin û komplo tên meşandin divê dengê Ewropayê zêde bilind derketa, lê hîç derneket. Ev jî durûtiya Ewropayê dide xuyakirin. Tirkiye îmtîyazan dixwaze. Hewl nade ku bişibe welatên Ewropa dixwaze welatên Ewropayê bişibîne xwe. Me gelek behsa yekîtiya Ewropayê kir gelo li Ewropayê yekîtiya kurdan çawa ye û li vir yekîtiya kurdan çawa xuya dike? Niha welatê kurdan tenê nebûye çar parçe, di her çar perçeyekî de jî 40 parçe hene. Ev parçebûn tesîra xwe li ser kurdên Ewropayê jî dike. Gelek partî hene gelek rêxistin hene. Lê ez bawer im tiştê me di vê hilbijartinê de da xuyakirin, em dikarin yekîtî di nav kurdan de jî çêbikin. Di kampanyayê de ji min re dihat gotin ku divê tu bibî dengê hemû parçeyên Kurdistanê. Ev daxwazeke gelekî muhîm bû. Ciwanên kurdan yên ku li Ewropa mezin bûne cudahiyê di navbera parçeyan de nabînin. Gel bihata bijartin we yê çi xebat bikira? Mijara jinê gelek muhîm e. Ez gelekî girîngiyê didimê. 4 pirsên min xwe bi tevahî ji bo pêşketina jinê rêxistin, siyaset, civakê de hebûn. Lê mixabin em neketin hundir. Hê em kar û xebatê devam dikin. Gelek caran me di nav siyaseta xwe de jî da xuyakirin ku em heqê jinê nikarin biparêzin. Di nav wî şerî de yê ku herî zêde êş, zilm û zoriyê dikişîne jin e, zarok e. Eger tu bixwazî civak bê guhertin pêşî ji jinê dest pê bike. Di vê kampanyayê de projeke me ya herî mûhîm jî ev bû ku emê hê jî vê projeya xwe bidomînin. Em dixwazin di nav xwendekarên kurd ve lobiyekî ava bikin. Daxwaziya min ji bo hemû gencê kurdan di serê de Ewropayê û cihên ku lê dijîn rola xwe bînin cih.  Evîn Çetîn kî ye? Evîn Çetîn bi eslê xwe ji Girêmira ku girêdayî Nisîbîne ye. Malbata wê di 4 saliya wê de koçî Ewropayê kiriye. Çetîn Zanîngeha Upsalayê beşa hiqûqê xwendiye û 4 zimanan dizane. Dayika wê asurî-suryanî ye û bavê wê kurd e. Di partiya sosyaldemokratan a Swêdê de di dema zanîngehê de di nav xebatên ciwanan a partiyê de cih girt û li vir dest bi siyasetê kir. Çetîn niha li Swêdê di nav xebatên Partiya Sosyal Demokrat de cih digire û şêwirmendiya siyasî ya şarerdarê Sodertelje dike.

Semînar bi beşdariya Hasan Bîldîrîcî* www.kurdistan-post.com

Rewşa kurdan ya îro û ya sibê

Kerem bikin û werin em bi hev re li nivîskar û rojnamevan Hasan Bîldîrîcî li ser rewşa Kurdistanê û kurdan ya îro û ya sibê guhdar bikin. Axivtin mixabin dê bi zimanê tirkî bê pêşkêş kirin lê derfeta pirs û bersivan dê bi zimanên din bê amade kirin.

Hûn ji niha ve bi xêr hatine!

Dem / Tid: 4 juli 2009 kl.14.00. 
Cih / Plats: Stockholms Universitet, Hörsal B4, Södra huset, Frescati 
Amadekar / Arrangör: www.ezkurdim.com och www.wekurd.com